უნგრეთის პარლამენტმა ფინეთის NATO-ში გაწევრიანების განაცხადის რატიფიცირება მოახდინა.

კენჭისყრაში მონაწილეობა 199-მა დეპუტატმა მიიღო - გაწევრიანებას მხარი 96%-მა ანუ 182-მა წევრმა დაუჭირა.

იმისთვის, რომ ფინეთი NATO-ს სრულუფლებიანი წევრი გახდეს, საჭიროა ალიანსის ყველა წევრი ქვეყნის პარლამენტისგან კანონზე მხარდაჭერა.  

ფინეთის ნატოში გაწევრიანებას მხარი უკვე დაუჭირა თურქეთის პარლამენტის საგარეო ურთიერთობათა კომიტეტმა, გახდება თუ არა ფინეთი NATO-ს წევრი ეს უკვე თურქეთის პარლამენტზეა დამოკიდებული, ვინაიდან რატიფიცირება სწორედ მათ უნდა მოახდინონ.

შეგახსენებთ, NATO-ში გაწევრიანების კანონს ფინეთის პრეზიდენტმა ხელი 23 მარტს მოაწერა.